Radhë kilometrike janë krijuar në aksin Maliq–Gramsh, në drejtimin nga Korça drejt Tiranës. Dhjetëra automjete të bllokuara në trafik, duke lëvizur me shpejtësi shumë të ulët.
Kjo rrugë prej ditës së sotme po shërben si aks alternativ për lidhjen e juglindjes me Elbasanin dhe më tej me Tiranën, për shkak të bllokimit të aksit Librazhd–Përrenjas.
Qarkullimi u devijua në këtë rrugë për shkak se në mesditë ARRSH njoftoi ndalimin total të mjeteve në aksin Librazhd–Përrenjas për shkak të urës që po shembet në zonën e njohur si “Arrat e Gurrës”. Qindra drejtues mjetesh dhe pasagjerë kanë mbetur të bllokuar për orë të tëra në të dy anët e segmentit Librazhd–Përrenjas.
