Emiljano dhe Elton Domi, vëllezër, janë shpallur në kërkim nga Policia e Durrësit, pasi qëlluan me armë në drejtim të makinës së drejtuar nga Luan Shahini.
Njoftimi
Qëlluan me armë zjarri në drejtim të automjetit me të cilin lëvizte një 35-vjeçar, pas një konflikti për motive të dobëta me të. Janë identifikuar dhe shpallur në kërkim 2 shtetas (vëllezër).
Në vijim të veprimeve hetimore në lidhje me ngjarjen e ndodhur rreth orës 01:00 të datës 03.08.2025, në autostradën “Durrës-Tiranë”, ku u qëllua me armë zjarri në drejtim të automjetit me të cilin lëvizte shtetasi L. Sh., 35 vjeç, specialistët për Hetimin e Krimeve të Rënda të Drejtorisë Vendore të Policisë Durrës, identifikuan dhe shpallën në kërkim shtetasit E. D., 46 vjeç dhe E. D., 40 vjeç, vëllezër, të dy banues në fshatin Xhafzotaj.
Nga hetimet e deritanishme dyshohet se, pasi janë konfliktuar verbalisht me 35-vjeçarin për parakalimin me automjet, vëllezërit kanë qëlluar me armë zjarri në drejtim të automjetit me të cilin lëvizte ai.Nga të shtënat u dëmtua 35-vjeçari, i cili ndodhet jashtë rrezikut për jetën.
