Publikohet videoja ku shfaqet personi që vuri tritol te rrethimi i jashtëm i banesës së deputetit demokrat, Xhelal Mziu. Sikurse shihet në pamje, është një person i veshur me rroba të errëta që lëviz me biçikletë, i cili vë edhe lëndën shpërthyese.
Sipas policisë, nga shpërthimi i tritolit u shkaktuan vetëm dëme materiale, por për fat nuk pati të lënduar. Ka dyshime se tritoli është vënë nga i njëjti grup që shkatërroi me lëndë plasëse edhe restorantin “Perla e Detit”.
Për shpërthimin te restoranti është shpallur në kërkim Ervis Lami, ndërsa ndodhet në arrest shtëpie ish-polici Jeton Lami dhe Florin Domi, ndërsa në arrest me burg ndodhet Flogert Mëzhika.
