Në procesin gjyqësor në GJKKO të pagëzuar me emrin “Plumbi i Artë” pati debate të forta mes prokurorit të SPAK, Behar Dibra dhe avokates së të pandehurit Altin Ndoci, i cili u arratis në janar 2026 nga spitali rajonal në Durrës. Debati lindi pasi SPAK paraqiti në proces si prova të reja komunikimet në Sky ECC mes të pandehurve.
“Nuk ka përse të përdoren në këtë gjykim. Procesverbale të Sky ECC për disa persona që nuk janë në këtë gjykim, por që janë vecuar. Ne kërkojmë nga kjo gjykatë që t’i kërkojë SPAK të na vendosë në dispozicion CD e ardhura nga autoritetet franceze për parimin e zbulimit të vërtetës. I kërkojmë gjykatës t’i kërkojë prokurorisë nëse kanë evidentuar pin kod apo cfarë lloj terminologjie që përdorin për SKY ECC të shtetasit Altin Ndoci, dhe për cdo fakt penal qe ja ngarkon për vrasjen e Andi Zylyfit. Na vendosni në dispozicion ato pinet, specifikisht CD pra cfarë ka marrë prokuroria nga francezët. Me dëshirën e mire për të besuar prokurorinë ne kemi të drejtën që ti verifikojmë dhe të ndjekim kontradiktoritetin, jo të sillen emailet me një shtet. Ne duam konkretisht provën”, tha avokatja.
Ajo ngriti dyshime për fshehje të provave. “Kërkesa dhe deklarata që thoni se ne kemi fshehur prova nuk është e vërtetë, nuk ka fshehje prove. Nëse nuk është sjellë do ta sjellim”, tha prokurori.
Avokatja Elda Zotaj u përgjigj: “Po e keni fshehur , pse si sjell provat apo ke frikë se je brenda. Po ske gjë për të fshehur sill provat”. “E kam të paqartë, është arrestuar Nuredin Dumani i penduari, a kanë përfunduar akteksperimet e telefonëve të tij. Pse nuk janë sjellë? Se jeni bërë si telenovelë turke. Nuk po marrim më vesh cfarë po ndodh. Jam duke folur për veprimet hetimore të kryera, unë kam të drejtë të kërkoj provat”, tha avokati tjetër i Ndocit. Nisur nga këto debate, gjykata e ndërpreu seancën dhe e shtyu procesin për në datën 3 mars.
