Protesta e radhës e opozitës është shoqëruar me disa incidente pas përplasjesve mes protestuesve dhe policisë.
Sipas informacioneve, policia ka shoqëruar tre protestues pas tensioneve të krijuara në zonën e Bulevardit, ku forcat e rendit kanë bllokuar lëvizjen e tyre drejt Ministrisë së Brendshme, pas marshimit të mëparshëm të tubuesve.
Burime policore bëjnë me dije se gjatë protestës janë hedhur ndaj punonjësve të Policisë bomba molotov, lëndë piroteknike dhe sende të forta nga disa protestues. Si pasojë e këtyre incidenteve, tre efektivë të Forcës Kombëtare të Sigurisë janë lënduar dhe janë transportuar për mjekim në Spitalin e Traumës. Sipas të njëjtave burime, gjendja e tyre shëndetësore raportohet jashtë rrezikut për jetën.
