Policia e Kamzës ka reaguar në lidhje me konfliktin mes disa të rinjve. Policia njofton se përleshja mes të miturve të moshave 15-17 vjeç ka ndodhur në bulevardin “Nënë Tereza”.
Nga konflikti kanë mbetur të plagosur dy 16-vjeçarë, të cilët ndodhen në spital, nën kujdesin e mjekëve.
Policia vijon hetimin dhe zbardhjen e rrethanave të rastit identifikimin dhe kapjen e të gjithë shtetasve të përfshirë në konflikt.
Kamëz/Informacion paraprak
Rreth orës 10:50, te bulevardi “Nënë Tereza”, në rrugë, dyshohet se janë konfliktuar për motive të dobëta, disa shtetas të mitur, të moshave 15-17 vjeç.
Gjatë konfliktit janë dëmtuar, dyshohet me mjet të mprehtë, dy 16-vjeçarë, të cilët ndodhen në spital, nën kujdesin e mjekëve. Është dëmtuar lehtë dhe një bashkëmoshatar i tyre, i cili është jashtë rrezikut për jetën.
Shërbimet e Policisë kanë shoqëruar disa shtetas dhe po marrin deklaratat e tyre.
Grupi hetimor po punon për zbardhjen e rrethanave të rastit, identifikimin dhe kapjen e të gjithë shtetasve të përfshirë në konflikt.
