Policia e Shtetit nuk ka dhënë ende asnjë njoftim zyrtar për aksionin e mëngjesit të sotëm në godinën ku ushtron aktivitetin News24, ndonëse zakonisht shpërndan komunikata edhe për incidente të vogla. Operacioni është zhvilluar në orët e para të së shtunës, kur në televizion ka pak staf dhe vëmendja publike është më e ulët.
Sipas raportimeve, në krye të operacionit ndodhet Ardi Veliu, aktualisht drejtues i shoqërisë “KAYO”, e cila pretendon pronësinë e godinës dhe merret me prodhimin e armëve. Veliu, ish-drejtues i Policisë së Shtetit, ka qenë shpesh objekt i raportimeve kritike nga mediat, përfshirë edhe vetë News24.
