Policia e Vlorës reagon lidhur me një ngjarje të ndodhur në Llogara, ku persona të paidentifikuar kanë qëlluar me çifte mbi një tufë kuajsh.
“Specialistët për Hetimin e Krimeve në Stacionin e Policisë Orikum referuan materiale në Prokurori dhe po punojnë për identifikimin e autorit dhe dokumentimin e plotë të ngjarjes, pasi ditën e djeshme, shtetasi K. K., banues në Orikum, ka bërë kallëzim se në malin e Llogarasë, ku mban të lëshuar një tufë me kuaj, ka konstatuar se dy prej tyre kanë pësuar dëmtime, dyshohet nga armë gjahu”, thuhet në njoftim.
Policia po heton shkaqet e ngjarjes.
