Ish-deputeti socialist Plarent Ndreca, i cili po gjykohet në Gjykatën e Posacme të Apelit për akuzën e shkeljes së barazisë në tendera, por njëherazi mbron dhe kryebashkiakun e Tiranës, Erion Veliaj në cilësinë e të pandehurit, vendosi të marrë pjesë në një proces në Apelin e Posacëm që lidhet me këtë të fundit dhe të “braktisë” seancën gjyqësore në ngarkim të tij.
Seanca gjyqësore ku Ndreca po gjykohet për shkelje të barazisë në tendera në kohën kur ishte Sekretar i Përgjithshëm i Ministrisë së Brendshme, u shty pasi ai u paraqit në Apelin e Posaçëm si mbrojtës i zgjedhur nga kryebashkiaku Veliaj. Ky i fundit përmes një kërkesë depozituar në Apel kundërshtim një vendim të ndëmjetëm të GJKKO për pezullimin e afateve të paraburgimit. Në seancën ndaj Ndrecës dhe të tjerëve, nuk ishte i pranishëm as Ermal Yzeiraj, avokat i ish-deputetit socialist ndaj procesi u shty për në datën 19 maj. Plarent Ndreca akuzohet lidhur me tenderin për rikonstruksionin e disa komisariateve në vend. Hetimi nisi pas një kallëzimi të bërë nga Kontrolli i Lartë i Shtetit, ku pas auditimit u konstatuan shkelje për tenderat që lidheshin me rikonstruksionin e komisariatin nr.4 në Tiranë dhe ato të Vlorë, Pogradecit e Mirditës.
