Gjykata e Posaçme ka shpallur fajtorë dhe ka dënuar me gjithsej 59 vite e 6 muaj burg pesë të pandehur për akuzën e kultivimit të kanabisit në kuadër të grupit kriminal.
Të pandehurit përfituan ulje të dënimit për shkak të gjykimit të shkurtuar. Sipas verdiktit të gjykatës, Arben Shpati u dënua përfundimisht me 8 vite e tetë muaj burgim, Pavlin Shpati do të vuajë 7 vite burgim, ndërsa Aleksandër Rrasa, Jeton Kacoli dhe Kristjan Plepaj u dënuan përfundimisht me nga 8 vite burgim secili.
Sipas hetimeve, të pandehurit dyshohen se ishin pjesë e një grupi kriminal që kultivoi mijëra rrënjë kanabisi në fshatrat Kir dhe Pult gjatë vitit 2023.
