Gjykata e Tiranës ka pezulluar nga detyra kreun e IKMT-së, Rigers Sheqeri, pas kërkesës së prokurorisë, e cila po heton shkelje të dyshuara në proceset e monitorimit dhe lejeve të ndërtimit.
Në të njëjtin vendim, gjykata ka vendosur edhe bllokimin e pasaportës për biznesmenin Pandi Carapuli, i dyshuar për abuzime me lejet e punimeve.
Sipas hetimeve, Carapuli ka përfituar një leje punimesh vetëm për vendosjen e një barriere provizore pranë mbikalimit të Saukut, në zonën e Unazës së Re. Megjithatë, në terren ai ka ndërtuar një mur betoni 4 metra të lartë dhe 120 metra të gjatë, shumë më tepër sesa lejohej nga dokumentacioni.
