Një aksident rrugor është regjistruar pak minuta më parë në aksin Levan–Tepelenë, në zonën e Poçemit. Dy automjete janë përplasur me njëra-tjetrën, duke lënë të lënduar dy pasagjerë. Të dëmtuarit janë transportuar menjëherë në spitalin rajonal të Fierit, ku sipas burimeve mjekësore ndodhen jashtë rrezikut për jetën.
Paraprakisht dyshohet se në aksident mund të ketë ndikuar moti i keq dhe lagështira në rrugë.
Udhëtarë të rastësishëm kanë dhënë ndihmën e parë për të lënduarit deri në mbërritjen e Policisë dhe të ambulancës. Përplasja ka shkaktuar dëme të konsiderueshme materiale në të dy automjetet.
Në vendngjarje kanë mbërritur forcat e policisë dhe grupi hetimor, të cilët po punojnë për të përcaktuar shkaqet dhe dinamikën e ngjarjes.
