Prokuroria e Fierit ka dërguar për gjykim dosjen ndaj M.Ç., i akuzuar për kryerjen e marrëdhënieve seksuale me një grua me probleme të shëndetit mendor.
Hetimet u nisën pas ankimimit të të dëmtuarës, shtetases K.Ç., e cila pas një vizite mjekësore mësoi se ishte shtatëzanë prej dy muajsh. Ekspertimi psikiatriko-ligjor konfirmoi se viktima kishte zhvillim intelektual të ngjashëm me një fëmijë 6-vjeçar.
Testet gjenetike (AND) të kryera mbi fetusin e abortuar dhe mostrat e të dyshuarit treguan lidhje biologjike babë-bijë, duke përforcuar dyshimet ndaj M.Ç.. Pas këtyre provave, e dëmtuara konfirmoi se marrëdhëniet seksuale ishin kryer pa dëshirën e saj, në banesën e saj, dhe se i dyshuari kishte përfituar nga gjendja e saj ekonomike, mendore dhe familjare.
Në bazë të këtyre provave, M.Ç. u arrestua menjëherë, ndërsa dosja i është referuar gjykatës për veprime të mëtejshme.
Hetimet dhe ekspertimet e kryera nga prokuroria kanë garantuar administrimin e provave shkencore dhe ligjore, duke u siguruar që rasti të ndjeket në gjykatë sipas procedurave të rrepta të Kodit Penal dhe Kodit të Procedurës Penale.
