I penduari i drejtësisë Nuredin Dumani është shtruar në reanimacionin e Kardiologjisë në qendrën spitalore Universitare Nënë Tereza. Ai u trasferua mbrëmjen e kaluar nga paraburgimi 313 ku ruhet nën masa të rrepta sigurie drejt urgjencës së QSUT për shkak se shfaqi probeme me zemrën dhe frymëmarrjen.
Gjatë ditës së sotme, Dumani, po iu nënshtrohet analizave të thelluara nga Instituti i Mjekësisë Ligjore, për të konfirmuar shkaqet e gjendjes së tij shëndetesorë, por edhe për të përjashtuar ndonjë tentativë kriminale në adresë të tij.
Nuredin Dumani, për shkak të statusit si i penduar i drejtësisë, ruhet nën masa të rrepta sigurie pasi për shkak të emrave të botës së krimit që ka ekspozuar jeta e tij është në rrezik. Në dëshminë e tij ai ka rrëfyer dhjetra krime të rënda dhe ka ekspozuar bosë të krimit, si Suel Cela, Ervis Martinaj e Franc Copja.
