Një ngjarje e rëndë është regjistruar këtë pasdite në kantierin e ndërtimit në fshatin Palasë, Himarë, ku një punëtor ka humbur jetën aksidentalisht.
Sipas njoftimit të policisë, 26-vjeçari Elidon Pashaj, gjatë kryerjes së manovrave me fadrom, ka aksidentuar punëtorin Kreshnik Haska 45 vjeç, i cili për pasojë të plagëve të marra ka ndërruar jetë gjatë transportit për në spitalin e Vlorës.
Policia ka shoqëruar menjëherë E. P. në ambientet e Komisariatit të Policisë Himarë për veprime të mëtejshme hetimore, ndërsa grupi hetimor vijon punën për zbardhjen dhe dokumentimin ligjor të plotë të ngjarjes.
Njoftimi
Sot, në një kantier ndërtimi, në fshatin Palasë, Himarë, dyshohet se shtetasi E. P., 26 vjeç, gjatë punës brenda kantierit, duke kryer manovra me mjetin fadrom, ka aksidentuar shtetasin K. H., 45 vjeç, punëtor po në atë kantier. Shtetasi K. H., si pasojë e dëmtimeve të marra, ka ndërruar jetë gjatë transportit për në spitalin e Vlorës.
Në ambientet e Komisariatit të Policisë Himarë është bërë menjëherë shoqërimi i shtetasit E. P., për veprime të mëtejshme hetimore.
