Ngjarja e rëndë në Podujevë është thelluar, duke e çuar në tre numrin e viktimave. Sipas raportimeve të mediave në Kosovë, ka ndërruar jetë edhe autorja e dyshuar e krimit, 31-vjeçarja Ardita Gashi.
Dyshohet se pas vrasjes së 45-vjeçarit Iliaz Brahimi, 31-vjeçarja ka marrë peng bashkëshorten e xhaxhait të saj, të cilën e ka qëlluar me armë zjarri, përpara se të qëllonte edhe veten. 73-vjeçarja ka ndërruar jetë në orët e para të mëngjesit në spital, ndërsa 31-vjeçarja nuk ka mundur t’u mbijetojë plagëve të marra.
Dyshohet se mes 31-vjeçares dhe 45-vjeçarit ka pasur një lidhje, megjithatë hetimet vijojnë për të sqaruar plotësisht rrethanat e ngjarjes.
Ndërkohë, Prokuroria e Kosovës ka bërë të ditur se hetimet janë në vijim për zbardhjen e plotë të kësaj ngjarjeje, ndërsa arma e zjarrit dhe gëzhojat janë sekuestruar nga autoritetet përkatëse.
