Policia e Tiranës ka vënë në pranga Erisjaldo Gjuta, 22 vjeç, i dashuri i 18-vjeçares që një ditë më parë u vetëplagos me armë zjarri në hotelin “Gjuta” në zonën e Saukut.
Sipas policisë, i riu akuzohet për veprat penale: “Moskallëzim i krimit”, “Veprime që pengojnë zbulimin e të vërtetës”, kryer në bashkëpunim, dhe “Mbajtja pa leje e armëve shpërthyese dhe municionit”.
Ngjarja
Vajza, e cila ishte vetëm në dhomë, ka qëlluar me armë veten. Sipas hetimeve, Sajmir dhe Erisjaldo Gjuta kanë qenë jashtë dhomës dhe kanë dëgjuar të shtënat. Kur kanë hyrë, kanë gjetur vajzën të plagosur dhe së bashku me Mirvete dhe Vladimir Gjuta kanë tentuar të pastrojnë vendin e ngjarjes, duke fshehur armën dhe larë gjakun. Më pas, Mirvete dhe Elvir Gjuta e kanë dërguar vajzën në spital, duke përgatitur një deklaratë të rreme se e kishin gjetur te rrethi i Ekonomikut.
Personat e përfshirë
Në pranga kanë rënë: Mirvete Rexhmati Gjuta dhe Vladimir Gjuta.
Në kërkim: Erisjaldo Gjuta, Sajmir Gjuta (49 vjeç) dhe Elvir Gjuta (24 vjeç).
Burimet bëjnë me dije se Erisjaldo Gjuta është i biri i Sajmir dhe Mirvete Gjuta, ndërsa Vladimir është xhaxhai i tij dhe Elvir kushëri.
Hetimet për ngjarjen vazhdojnë, ndërsa policia po punon për gjetjen dhe sekuestrimin e armës së përdorur.
