Policia e Vlorës arrestoi 3 persona, të cilët ndihmonin Flodian Plakun t’i fshihej drejtësisë dhe të qëndronte i pashqetësuar në arrati.
Ligor Doko rezulton se është pronari i hotelit ku ishte akomoduar Plaku.
Armando Dano nga Shkodra, me profesion berber, dhe Albano Lapshi, njeriu që furnizonte me ushqim Plakun në hotelin ku ishte strehuar, janë ndjekur nga policia në çdo lëvizje derisa i dërguan në gjurmët e të shumëkërkuarit.
Flodian Plaku, i akuzuar për ekzekutimin mafioz të Gentian Bejtjas, u arrestua dje në Vlorë gjatë një aksioni që u konsiderua me rrezikshmëri të lartë.
Pronari i hotelit dhe dy personat e tjerë u arrestuan për akuzën “Përkrahja e autorit të krimit”.
Policia arrestoi dhe Julian Aliajn.
Flodian Plaku dyshohet se kishte marrë porosi për vrasjen e një anëtari të një grupi kriminal nga Tepelena, por policia e arrestoi përpara se ai të kryente atentatin e radhës.
