Banorët e fshatit Miliska, në njësinë administrative Thumanë, prej katër ditësh po përballen me përmbytje të rënda si pasojë e çarjes së argjinaturës së lumit Drojë. Prurjet e mëdha të ujit kanë përmbytur qindra hektarë tokë bujqësore, si edhe një numër të konsiderueshëm banesash.
Situata paraqitet problematike, pasi niveli i ujit mbetet ende i lartë dhe ka depërtuar brenda shtëpive. Një pjesë e banorëve janë detyruar të kalojnë natën jashtë banesave, ndërsa të tjerë ndodhen të izoluar, pa mundësi lëvizjeje.
Banorët apelojnë për ndërhyrje urgjente nga institucionet përgjegjëse, duke theksuar se përveç dëmeve materiale, po përballen edhe me mungesa në furnizimin me bukë dhe ushqime bazë.
