Pas përfundimit të seancës së sotme për Erion Veliajn, avokati i tij, Plarent Ndreca, tha se kryebashkiaku nuk u paraqit në seancën e sotme pasi është duke u njohur ende me dosjen. Madje, Ndreca tregoi se Veliaj po lexon dosjen me një ritëm prej 200-300 faqesh në ditë.
“Ai vazhdon të lexojë me një ritëm prej 200-300 faqesh në ditë dosjen, por siç ju e kuptoni, është një dosje shumë voluminoze”, tha Ndreca.
Statistika interesante këto të avokatit, sepse përveçse tregojnë që Veliaj ka filluar të lexojë, shërbejnë edhe për çdo zyrtar tjetër që mendon të shkelë ligjin, do të duhet të japin llogari për mijëra faqe akuzë të SPAK.
Ndoshta edhe Ndreca do të duhet ta përvetësojë këtë ritëm leximi, se ku i dihet, edhe ai me dosje të hapura është në Prokurorinë e Posaçme.
