Gjykata e Vlorës ka caktuar masën e arrestit me burg për tre persona të dyshuar se kanë ndihmuar Flodian Plakun gjatë arratisë së tij, ndërsa një tjetër, një berber nga Shkodra, është lënë në masën e detyrimit për t’u paraqitur.
Në burg janë lënë:
Ligor Doko, pronari i hotelit ku u arrestua Plaku,
Albano Lapshi, i cili dyshohet se i siguronte ushqim të shumëkërkuarit,
Julian Aliaj, i kapur me armë zjarri në momentin e ndalimit.
Ndërkohë, Armando Dano, berberi nga Shkodra, është lënë i lirë me masën e detyrimit për paraqitje pranë autoriteteve.
Flodian Plaku, i njohur edhe me emrat Flodian Mamo dhe me nofkën “Pole Qorri”, u arrestua katër ditë më parë në Orikum, Vlorë, pas një kohe të gjatë në arrati. Ai akuzohet për vrasjen e ish-policit të Burgjeve, Gentjan Bejtja, ngjarje e ndodhur në vitin 2024 në fshatin Larushë të Fushë-Krujës.
