Agjenti i AMP-së Muçi Shaljani alias Sheqeri që u plagos në atentatin e Rinasit ka ndërruar jetë në spitalin e Traumës. Ai ndodhej në intubim për shkak se kishte dy plumba në kokë, por në orët e para të mëngjesit të sotëm mjekët deklaruan vdekjen e tij.
Shaljani udhëtoi nga Tirana në Barcelonë dhe në kthim me Gilmando Danin, krahun e djathtë të Emiljano Shullazit, kur ranë në pritë të armatosur mesditën e 11 nëntorit. Tre qitës qëlluan ndaj tyre duke lënë të vrarë Danin, ndërsa Shaljani mbeti i plagosur. Ai nuk mundi t’u mbijetojë plagëve duke thelluar bilancin e viktimave të atentatit.
