Në Gjykatën e Posaçme po shqyrtohen akuzat penale të të pandehurve të dosjes “Metamorfoza”, mes tyre dhe biznesmeni e investitori strategjik Pëllumb Gjoka. Në seancën e së hënës, SPAK kërkoi thirrjen e 40 deshmitarëve, të cilët do të pyeten për vrasjen e Gjin Ndojit Boriçit në 2020 në Vaun e Dejës dhe sigurimt të kushteve për të kryer vrasje ndaj Kleanthi Musabelli, krime të kryera në kuadër të grupit kriminal.
Seanca u shoqërua me debate të forta mes avokatëve të biznesmenit Pëllumb Gjoka dhe prokurorëve të posaçëm.
Debati lidhej me mospërputhjen e orarit te bisedave ne SKY EÇ dhe orarit të vrasjes së Gjin Boriçit në gusht të 2020.
“Nuk është i njëjtë orari i servave të Sky EÇ me orën lokale”, tha prokurori i posaçëm.
“Procesverbali i Pëllumb Gjokës është spostuar, është manipulim”, deklaroi Guri Brahimllari, avokat i biznesnemit.
Gjykata vendosi ta shtyjë seancën mbi kërkesën e avokatëve për kohë që të njihen me përmbajten e provave. Në të njëjtin proces me Gjokën po gjykohet edhe Behar Bajri dhe Edmond Preka.
