Ky që shihni në këtë foto është Nikollë Radaçi, 57-vjeçar, njeriu që shkaktoi aksidentin tragjik, ku dy fëmijë humbën jetën dhe një i tretë mbeti i vrarë. Nga hetimet e para rezulton se Radaçi po e drejtonte mjetin e tij tip Benz ML në gjendje të dehur dhe në shpejtësi të rëndë, kur ka dalë nga rruga në zonën e Kënetës, duke përplasur fëmijët që po luanin top në trotuar. Pas aksidentit ai ka braktisur makinën, por është arrestuar më pas nga policia dhe ndodhet në qelitë e izolimit për akuzën e aksidentit me pasojë vdekjen e dy apo më shumë personave. Aksidenti në zonën e Kënetës në Durrës ngre alarmin për mënyrën sesi drejtuesit e automjeteve shkelin në mënyrë flagrante rregullat e qarkullimit, duke u shndërruar në vrasës në rrugë. Pavarësisht se ndër vite ka pasur ashpërsim të dënimeve për shkelësit e rregullave të qarkullimit, sërish aksidentet e rënda në vend nuk kanë munguar. Në rastin e Radaçit, viktimat janë fëmijë të pafajshëm që po luanin në trotuar. Dy nuk jetojnë më, ndërsa i treti po lufton me jetën në spitalin e Traumës.
