Nicolás Maduro akuzoi presidentin ekuadorian, Daniel Noboa, se dërgon më shumë se 60% të kokainës së prodhuar në Kolumbi drejt SHBA-së dhe se bashkëpunon me mafian shqiptare.
Përveç kësaj, e quajti një “kukull” të perandorisë amerikane, që nuk përfaqëson dinjitetin e popullit të tij.
Kjo nuk është hera e parë që Maduro flet për mafien shqiptare. Kujtojmë se para disa muajsh, presidenti i Venezuelës, ka hedhur akuza të rënda ndaj një strukture të krimit të organizuar me origjinë shqiptare që, sipas tij, vepron në Ekuador.
Maduro ka pretendonte se kjo mafie shqiptare ka rekrutuar mercenarë për të kryer atentate terroriste në Venezuelë, pikërisht më 25 maj, ditën e zgjedhjeve presidenciale.
