Një shpërthim është regjistruar në fshatin Luz të Fushë-Krujës.
Një servis automjetesh është dëmtuar me lëndë plasëse.
Sipas burimeve zyrtare nga policia, shtetasi A. G., banues në të njëjtin fshat, ka bërë kallëzim pasi ka konstatuar të dëmtuar qepenin e servisit të tij. Nga veprimet e para hetimore dyshohet se dëmtimi është shkaktuar nga një sasi lënde plasëse.
Në vendngjarje ka shkuar grupi hetimor, i cili po punon për identifikimin dhe kapjen e autorit, si dhe për zbardhjen e plotë të rrethanave të kësaj ngjarjeje.
