Personi në foto është Dalan Alliaj, 36-vjeçari që mbeti i vrarë mbrëmjen e djeshme në fshatin Gjorm, Vlorë, pasi u qëllua me pesë plumba nga kushëriri i tij, Bertil Alliaj.
Alliaj ishte administrator i kompanisë Allidagu në Fier, me aktivitet në prodhimin, përpunimin dhe shpërndarjen e ushqimeve, mbarështimin e kafshëve në fermat agroblegtorale, tregtinë e kafshëve të gjalla si dhe servis dhe tregti automjetesh.
Bertil Alliaj qëlloi për vdekje kushëririn pranë banesës së tij për motive ende të paqarta. Pas ngjarjes, autori u arratis në zonën malore të Gjormit, por u arrestua disa orë më vonë nga policia. Trupi i 36-vjeçarit u gjet nga familjarët dhe më pas u transportua në spital, ku konstatohet vdekja.
Autori është marrë në pyetje rreth një orë, por nuk ka pranuar të japë arsyet e konfliktit. Ai u shpreh:
"Arsyen pse e vrava nuk do ta rrëfej për shkak të gruas dhe fëmijëve të tij. Por ai bënte një gabim të rëndë në mënyrë të vazhdueshme prej kohësh. Ia kam thënë disa herë, por ai merrte dy viza e vazhdonte. Ai mund të kishte lekë, por nuk mind të më perqeshte", është shprehur autori i dyshuar.
