Gjykata Kushtetuese do të shqyrtojë në seancë plenare mbi bazë dokumentash, kërkesën e ish zv.ministrit të Shëndetësisë, Klodian Rjepaj, kundër masës së sigurisë.
Rjepaj kërkon shfuqizimin si të papajtueshëm me Kushtetutën të një vendimi të 2024 të kolegjit penal të Gjykatës së Lartë dhe rikthimin e cështjes për rigjykim po në këtë gjykatë.
Klodian Rjepaj është një nga të pandehurit e aferës së koncesionit të sterilizimit. Ai është cilësuar fajtor dhe dënuar nga GJKKO me 4 vite burgim dhe pret shqyrtimin në Apel. Bashkë me të janë dënuar dhe Ilir Rrapaj, biznesmeni që zotëron pjesën më të madhe të koncesionit, si dhe disa të pandehur të tjerë. Në një proces të ndarë po gjykohet ish-ministri i Shëndetësisë Ilir Beqaj.
