Gjykata e Lartë rrëzoi rekursin e anëtarëve të grupit të strukturuar kriminal të drejtuar nga Admir Murataj që kreu megagrabitjen në aeroportin e Rinasit, më 9 prill 2019. Për rrjedhojë mbetet në fuqi me 122 vite burgim për shtatë të pandehurit.
Konkretisht 20 vite burg për Klement Çalën dhe nga 17 vite për Oltion Veselin, Ronaldo Sulajn, Saimir Çelën, Oltion Piklin, Alkond Bengasin dhe Eldi Çalën. Grupi kriminal i drejtuar nga Admir Murataj hyri në pistën e Rinasit dhe në bordin e një avioni grabitën 4.6 mln euro.
Policia u vu në ndjekje të tyre dhe gjatë shkëmbimit të zjarrit mbeti i vrarë kreu i grupit, Admir Murataj. Në kërkim vijon të jetë Talo Çela, sot një prej emrave më të shumëpërfolur të botës së krimit. Ngjarja u zbardh edhe falë rrëfimit të të penduarit të drejtëisë, Alkond Bengasi.
