Kolegji Zgjedhor ka lënë në fuqi vendimin e Komisionit të Ankimimeve dhe Sanksioneve (KAS), sipas të cilit mandati i vetëm i Nismës “Shqipëria Bëhet” i takon Ana Dajkos.
Adriatik Lapaj ndryshoi sot kërkesën e tij për të marrë mandatin, duke kërkuar që vendimi i Komisionit Qendror të Zgjedhjeve (KQZ), i cili ia dha mandatin kushërirës së tij, Kleana Xhuvelit, të mbahej në fuqi. Megjithatë, Kolegji Zgjedhor vendosi që mandati të mbetet te Ana Dajko, e cila kryeson listën e partisë.
