Këshilli i Lartë i Prokurorisë ka vendosur që votimi për drejtuesin e ri të Byrosë Kombëtare të Hetimit (BKH) të zhvillohet më 9 dhjetor, në orën 11:00. Vendimi u mor gjatë mbledhjes së sotme, e cila u zhvillua me dyer të mbylluara dhe me praninë e përfaqësuesve amerikanë të OPDAT.
Anëtarët e KLP-së, përpara se të votojnë, do të shqyrtojnë pikët e marra nga të gjithë kandidatët gjatë procesit të konkurrimit, si dhe do të verifikojnë përmbushjen e kushteve formale.
Joni Keta u përzgjodh nga Komisioni i Posaçëm i SPAK mes një liste prej shtatë kandidatësh, ku përfshiheshin edhe Andi Pogaçe, Artur Beu, Elton Kërluku, Gentian Ndoi, Gentjan Shehaj dhe Gledis Nano. Sipas njoftimit zyrtar të SPAK, Komisioni i Përzgjedhjes, në mbledhjen e datës 26 nëntor 2025, në prani të përfaqësuesve të ICITAP dhe Bashkimit Europian, vendosi t’i rekomandojë KLP-së emërimin e Jon Ketës në krye të BKH-së për një mandat 5-vjeçar.
