Muçi Shaljani është personi që mbeti i plagosur në atentatin e ndodhur rreth një orë më parë pranë Rinasit, mësohet se prej muajit shtator është punonjës i Agjencisë së Mbikqyrjes Policore.
Shaljani, i njohur dhe me mbiemrin Sheqeri u plagos me një plumb në kokë dhe u transportua me urgjencë drejt Traumës, ku po i nënshtrohet një ndërhyrje kirurgjikale.
Shaljani (Sheqeri) rreth 40 vjeç, drejtonte automjetin tip “Mercedes Benz S” ku brenda ishte edhe Gilmando Dani i sapo kthyer nga Barcelona, kur drejt tyre u hap zjarr.
Nga të shtënat humbi jetën Gilmando Dani, krahu i djathtë i Emiljano Shullazit. Dani ishte një emër i njohur i botës së krimit në Shqipëri. Ai ka qenë pjesë e grupit që vendoste gjoba për biznesmenët në Tiranë dhe ka marrë drejtimin pas burgosjes së Emiljano Shullazit.
