Media publike franceze France Info ndërpreu papritur transmetimin e drejtpërdrejtë pas një kërcënimi me bombë kundër kanalit.
Media publike franceze France Info ndërpreu papritur transmetimin e drejtpërdrejtë pasi u bë një kërcënim me bombë kundër kanalit. Gjatë një programi të drejtpërdrejtë në studion e Parisit të shtunën, u dëgjuan tinguj alarmi.
Duke u ndezur alarmi, Jean-Christophe Galeazzi, prezantuesi i një programi që diskutonte politikën ukrainase me gazetarët në studio, njoftoi se duhej ta ndërprisnin transmetimin “për shkak të një kërcënimi me bombë”.
Dhe me këtë transmetimi u ndërpre.
Një deklaratë me shkrim nga France Info tha se studioja e Parisit u evakuua si masë paraprake sigurie dhe se ekipet e policisë nisën një hetim në vendngjarje, shkruan AA.
U vu re se punonjësit u kthyen në ndërtesë brenda rreth dy orësh pasi përfundoi hetimi.
Dy javë më parë, një kërcënim me bombë u bë edhe kundër një kanali tjetër francez, BFMTV.
