Një tjetër kërcënim publik ka ardhur nga familjarët e Elvis Shkambit, autorit të vrasjes së gjyqtarit Astrit Kalaja.
Gjovalin Shkambi, xhaxhai tjetër i Elvisit, ka bërë një deklaratë të fortë, duke paralajmëruar se nëse nipi i tij do të dënohet, gjyqtari që do të japë vendimin “do të përballet me plumba”.
“Prej 13 vitesh i shkruajmë kryeministrit dhe gjithë qeverisë: na ktheni pronën që e kemi blerë. Edhe ai gjyqtar që do të dënojë Elvisin ka të njëjtin shpërblim. Provat i kemi dhënë”, është shprehur Gjovalin Shkambi.
Mbetet për t’u parë nëse autoritetet do të marrin masa ndaj kësaj deklarate, e cila nuk ndryshon nga ajo e bërë një vit më parë nga vëllai i tij.
