Këshilli i Lartë i Prokurorisë zhvilloi sot mbledhjen ku u diskutua mbi kandidatët për drejtimin e Prokurorisë së Posaçme (SPAK). Kryetari i Komisionit të Zhvillimit të Karrierës, Sokol Stojani, bëri të ditur se në garë janë katër kandidatë që plotësojnë të gjitha kushtet ligjore: të jenë prokurorë të SPAK, të mos kenë ushtruar më parë funksione drejtuese, të kenë paraqitur platformën e tyre dhe të mos kenë masë disiplinore në fuqi.
Stojani propozoi miratimin e listës përfundimtare të kandidatëve: Adnan Xholi, Doloreza Musabelli, Elvin Gokaj dhe Klodian Braho.
Pas diskutimeve, Këshilli miratoi unanimisht listën e katër prokurorëve që do të vijojnë garën për postin e drejtuesit të SPAK.
