Vullnet Muça alias Muharremi, vëllai i Aleksandër Lahos i njohur si Rrumi që mbeti i plagosur në atentatin te mbikalimi i Shkozetit më 1 nëntor 2019, është shoqëruar në policinë e Durrësit pas një debati dhe kanosje të drejtorit të spitalit rajonal Durrës.
Sipas burimeve, kanosja lidhet me një kërkesë që Muça i ka bërë drejtorit t’i punësonte mbesën. Pas përplasjes ai është shoqëruar dhe marrë në pyetje për 5 orë. Më pas është lënë i lirë, por po procedohet për akuzën e kanosjes për shkak të detyrës. Hetimet për ngjarjen janë duke vijuar, por pyetja që shtrohet është: a pati ndërhyrje për lirimin e tij?
