Shefi i krimeve në Përmet, Dhurim Çenko, është pezulluar nga detyra me urdhër të drejtorit të Policisë Gjirokastër, Altin Merizaj, për shkak se ishte në dijeni të abuzimit të një 16-vjeçareje nga njerku i saj efektiv policie.
Çenko është dërguar për hetim disiplinor në Drejtorinë e Standarteve. Ai mësohet se kishte dijeni për abuzimin seksual që po përjetonte e mitura dhe nuk kishte marrë asnjë masë për të denoncuar efektivin e tij.
Skandali u zbulua më 18 shtator, pasi në rrjete sociale u publikuan disa të dhëna që dëshmonin se e mitura ishte abuzuar nga njerku shtetasi me inicialet P.B, punonjës policie.
Po ashtu rezultoi se një tjetër punonjës policie, Artur Ago dyshohej për ngacmim seksual të të miturës. Zyrtari i policisë ishte shantazhuar nga i dashuri i vajzës Kristian Prifti dhe Isi Pasho, mik i tij, që nëse nuk paguante gjobën prej 10 mijë eurosh do t’i publikonin videon intime.
