Një 26-vjeçar nga Tropoja është zhdukur në mënyrë misterioze, teksa ishte duke mbledhur gështenja së bashku me nënën e tij në zonën malore të Kamenicës, pranë Bajram Currit. Ngjarja ka ndodhur ditën e hënë, kur i riu është ndarë nga e ëma dhe ka humbur çdo kontakt me të.
Familjarët kanë bërë kallëzim për zhdukjen e tij në Komisariatin e Policisë së Tropojës të martën, duke identifikuar të riun si F. T., banues në Bajram Curri.
Aktualisht, Policia e Tropojës, në bashkëpunim me autoritetet e Kosovës, ekipet e kërkim-shpëtimit dhe banorët e zonës, po vijojnë kontrollet intensive në terren, duke përdorur edhe dronë për të lehtësuar kërkimet.
