Partia e Lirisë njofton se kreu i saj, Ilir Meta, ka thirrur sot avokatin e tij Kujtim Cakranin, ku i kërkon që të pyetet për 21 janarin si person në dijeni.
Kreu PL i ka kërkuar avokatit që t'i bëjë kërkesë prokurorisë që të merret si person në dijeni në SPAK.
“Presidenti i Partisë së Lirisë, Z. Ilir Meta ka thirrur sot mbrojtësin e tij ligjor, Avokatin Kujtim Cakrani dhe i ka kërkuar t’i bëjë kërkesë prokurorit A.Shehu për t’u pyetur si person që ka dijeni për rrethana dhe fakte lidhur me “21 Janarin”, thuhet në njoftimin e PL.
Kujtojmë se Ilir Meta ishte një nga arsyet pse Partia Socialiste atëherë në opozitë zhvilloi protestën e 21 Janarit. Tubimi erdhi pas videos së bujshme ku ish-ministri Dritan Prifti regjistroi bisedën me Ilir Metën për ryshfetin me 700 mijë euro.
