Ish-presidenti Ilir Meta i është drejtuar sërish Gjykatës së Posaçme me kërkesë për zëvendësim të masës së sigurisë.
Ai kërkon zbutjen e masës, duke pretenduar se nuk ka më asnjë arsye që të mbahet në paraburgim për sa kohë që hetimet kanë përfunduar dhe dosja ka kaluar për gjykim në themel. Në këto kushte nuk ekziston mundësia që ai të prishë prova apo të frikësojë dëshmitarët sikurse pretendon SPAK.
Sipas ligjit kërkesa do të shqyrtohet brenda afatit 5 ditor nga trupa gjykuese do të shqyrtojë akuzat penale ndaj ish-kreut të shtetit.
Një ditë më parë GJKKO vendosi të kalojë për gjykim dosjen penale ndaj ish-presidentit Ilir Meta dhe ish-bashkëshortes së tij Monika Kryemadhi dhe tre të pandehurve të tjerë.
Kreu i Partisë së Lirisë akuzohet për korrupsion, pastrim parash e fshehje pasurie lidhur me cështjen CEZ DIA si dhe kontratat e lidhura nga ish Lëizja Socialiste për integrim me kompani lobuese në Shtetet e Bashkuara të Amerikës.
