Policia identifikon personin që humbi jetën gjatë tentativës për të hyrë në një banesë në lagjen “8 Shkurti” në Fier, ku dyshohet se do të kryente grabitje. Viktima quhet Ilir Zarka, 47-vjeçar. Ai është gjetur pa jetë nga personi që kujdesej për banesën e Nikollaq Lule, i cili kishte shkuar në mëngjes për të ushqyer qenin.
Njoftimi i policisë:
Në lagjen “8 Shkurti”, Fier, është gjetur pa shenja jete, në dritaren e një banese, shtetasi I. Z., 47 vjeç.
Nga këqyrja paraprake e trupit të viktimës nuk janë konstatuar shenja dhune dhe dyshohet se ai ka ndërruar jetë nga asfiksia, gjatë tentativës për t’u futur në banesë.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
