Ekstradohet nga Belgjika, Edson Jozëik alias Edson Pjetri, i dyshuar si pjesëtar i një grupi kriminal që trafikonte lëndë narkotike.
41-vjecari ishte shpallur në kërkim ndërkombëtar, pasi Gjykata e Posaçme e Shkallës në maj të 2024 kishte caktuar ndaj tij masën e sigurisë “arrest në burg” për trafik narkotikësh e grup kriminal.
Nga hetimet e kryera nga SPAK, dyshohet se ky shtetas, në bashkëpunim me shtetas të tjerë, gjatë periudhës qershor-nëntor 2020, ka trafikuar rreth 160 kg lëndë narkotike cannabis sativa, nga Shqipëria në Malin e Zi, me destinacion final vendet e Bashkimit Europian.
Ai iu dorëzua drejtorisë së Përgjithshme të Burgjeve.
