26-vjeçari Armando Marku, i cili ishte shpallur në kërkim nga autoritetet britanike për veprën penale të vrasjes, është vetëdorëzuar këtë të martë në ambientet e Policisë së Tiranës.
Marku ishte në kërkim ndërkombëtar pasi akuzohet për përfshirje në vrasjen e një ish-snajperisti në qytetin Hartlepool, në Angli, ngjarje e ndodhur në vitin 2019. Autoritetet e Mbretërisë së Bashkuar kishin lëshuar ndaj tij një urdhër kërkimi ndërkombëtar, duke e përfshirë në hetimet për këtë ngjarje të rëndë kriminale.
Pas vetëdorëzimit, 26-vjeçari është shoqëruar nga shërbimet e Policisë dhe pritet që të nisin procedurat përkatëse ligjore ndaj tij.
