Merando Nikulaj, nipi i biznesmenit Ardian Nikulaj, që u vra në një atentat mafioz në lokalin e tij në Shëngjin, dyshohet të ketë qenë shënjestra e atentatit mbrëmjen e së dielës në Rrilë të Leshës. Sipas hetuesve ai dyshohet të ketë mbetur dhe i plagosur në ngjarje, por pavarësisht kërkimeve të të policisë deri më tani nuk është gjendur për tu marrë në pyetje.
Mbi berberhanen në pronësi të Sokol Docit, u qëllua mbi 30 herë me plumba kallashnikovi dhe për pasojë 3 prej tyre prekën pronarin e sallonit. Merando Nikulaj mundi të mbijetojë, pasi brenda në berberhane ndodhej punonjësi i policisë, B.K i cili qëlloi ndaj autorëve, të cilët më pas u larguan drejt Fushë Krujës.
Familja Nikulaj është në hasmëri me familjen Lekstakaj prej 1994 dhe prej atëherë janë vrarë disa pjesëtarë nga të dy fiset. Atentati më i rëndë është ai ndaj Ardian Nikulajt, që u qëllua për vdekje nga shtetasi portugez Ruben Saraiva, ndërsa akuzohen të përfshirë ne krim edhe 4 shtetas britanikë si dhe një i afërm i familjes Lekstakaj.
