Detaje të reja janë zbardhur lidhur me atentatin e ndodhur në Rrilë të Lezhës. Sipas burimeve, dy automjete, një tip Audi dhe një Volkswagen Passat, janë afruar pranë një berberhane, nga të cilat kanë zbritur shtatë persona të armatosur, disa prej tyre edhe me shkopinj bejsbolli.
Në momentin që grupi është afruar, një punonjës policie që ndodhej brenda sallonit ka qëlluar me armë zjarri. Pas kësaj, autorët janë kundërpërgjigjur duke qëlluar me kallashnikov rreth 30 plumba, duke lënë të plagosur shtetasin Sokol Daci, 30 vjeç.
Pas ngjarjes, dy automjetet janë larguar me shpejtësi në drejtim të Fushë-Krujës. Burime nga hetuesia bëjnë me dije se dyshohet se i plagosur ka mbetur edhe nipi i Ardian Nikulajt.
Sipas hetuesve, Sokol Daci nuk ka qenë shënjestër e atentatit, por është plagosur aksidentalisht si pasojë e përplasjes mes personave të tjerë. Hetimet vijojnë për identifikimin dhe kapjen e autorëve.
