Klodian Steli është shpallur në kërkim nga policia, pasi dyshohet se është autori i vendosjes së një sasie tritoli në garazhin e shtetasit Elvis Kosova, në rrugën “Peti” në Tiranë.
Njoftimi
Zbardhet autorësia e vendosjes së lëndës plasëse në garazhdin e shtetasit Elvis Kosova ndodhur më datë 24.07.2025.
Identifikohet dhe shpallet në kërkim autori i dyshuar.
Gjendet dhe automjeti me të cilin ky shtetas lëvizi gjatë kryerjes së krimit.
Si rezultat i hetimeve të thelluara, të kryera nga shërbimet e Komisariatit të Policisë Nr. 1, me qëllim zbardhjen dhe dokumentimin e plotë të ngjarjes së ndodhur më datë 24.07.2025, në rrugën “Peti”, ku në portën hyrëse të garazhit të shtetasit E. K. u vendos një sasi lënde plasëse, kanë identifikuar dhe shpallur në kërkim autorin e dyshuar të ngjarjes, shtetasin:
K. S., 36 vjeç, banues në Fushë Krujë.
