Isuf Jacaj, është personi që u ekzekutua mbrëmjen e kaluar me një shpërthim eksplozivi në lagjen nr.3 të Sarandës.
58-vjeçari, person me precedentë penalë, është babai i 31-vjeçarit Klaus Jacaj, i arrestuar për akuzën “përkrahje e autorit të krimit”. Klaus Jacaj dyshohet se ka qenë pjesëmarrës ne ngjarjen e ndodhur më 17 korrik 2025, kur në lagjen nr.4 të Sarandës, Ramazan Zoto plagosi Gëzim Hajdaraj dhe Ernest Lamën nga Kamza.
Dy të plagosurit janë miqtë e një prej njerëzve që konsiderohet si më i rrezikshmi në botën e krimit, Ervis Lami.
Ai është i shpallur në kërkim policor për vrasjen e postierit Lulzim Visha në periferi të Tiranës, ndërsa dyshohet se është i përfshirë edhe në zhdukjen e Leonard Theodhorit dhe Fatmir Sulovarit në Sarandë. Lami dyshohet se është pjesë e grupit të Eldjan Allushit.
Sipas policisë, pikërisht grupi i Ervis Lamit dyshohet se është i përfshirë në atentatin me eksploziv ndaj Isuf Jacaj. Më herët, me 21 në automjetin e djalit të tij, Klaus Jacaj u vendos tritol dhe mjeti u shkatërruar plotësisht.
Isuf Jacaj, që njihej me nofkën Bushi, ka disa rekorde kriminale, ku edhe më herët në 2011 i ka mbijetuar një atentati me armë zjarri, po në lagjen 3 të Sarandës. Ai kohët e fundit punonte në sektorin e turizimit, pasi përmes një skafi trasportonte turistë.
