Policia ka sekuestruar kamerat e sigurisë në aksin Mamurras–Laç, pasi në zonën e Sanxhakut u dhunua në mënyrë barbare, duke iu thyer këmbët dhe prerë veshi ish-kryetarit të PD-së në njësinë administrative të Dajçit, në Zadrimë, Sokol Toma. Hetuesit janë duke shpresuar që momenti i dhunës të jetë fiksuar nga kamerat, pasi do t’i ndihmonte për identifikimin e agresorëve.
Në vijim të hetimeve janë marrë dëshmitë e disa personave, ndërsa do të ripyetet në spital Sokol Toma.
53-vjeçari ndodhet i shtruar tek Trauma dhe gjendja e tij është e stabilizuar, pavarësisht dëmtimeve të rënda.
