Pas marrjes në pyete të deputetit të Partisë Demokratike, Belind Këllici, gjatë ditës së hënës, ishte radha e Indrit Hoxhës që të paraqitej në SPAK dhe të jepte shpjegime në kuadër të një hetimi pasuror që po kryhet ndaj ish-kryeministrit, Sali Berisha, dhe familjarëve të tij.
SPAK është duke hetuar mënyrën e financimit të Kuvendit të Rithemelimit në 11 dhjetor 2021, kur Berisha përplasej me Lulzim Bashën për logon dhe vulën e PD-së, betejë të cilën ish-kryeministri do ta fitonte me vendim të Gjykatës së Apelit.
Hoxha, sipas burimeve, është pyetur në cilësinë e njërit prej organizatorëve të Kuvendit të Rithemelimit dhe është pyetur lidhur me mënyrën e financimit të Kuvendit. Aktualisht ai mban postin e sekretarit të Diasporën dhe njëherazi është anëtar i Kryesisë së PD-së.
Sali Berisha po gjykohet në GJKKO për korrupsioni kryer në bashkëpunim për dosjen Partizani, ndërsa SPAK po heton edhe pasurinë e tij e të familjarëve.
