SPAK dhe BKH po ushtrojnë kontrolle në kuadër të hetimeve që po kryhen ndaj zv/kryeministres Belinda Balluku, e cila është nën hetim për abuzime me tenderat.
Kontrollet janë kryer te Arbër Abazi, i cili ka lidhje familjare me Belinda Ballukun. Burimet bëjnë me dije se janë kontrolluar zyra dhe banesa e Abazit, ndërsa ka edhe vendim për kontroll personal.
Në kuadër të hetimeve për tenderat e Unazës, kontrolle janë ushtruar edhe në banesat e biznesmenëve të tjerë.
Balluku është është e pandehur për tenderin për ndërtimin e Tunelit të Llogarasë ndërsa po hetohet për 7 lotet e Unazës së Madhe dhe koncesionin e Rrugës Thumanë-Kashar.
SPAK ka kërkuar leje nga Kuvendi për arrestimin e numrit dy të qeverisë, ndërsa Gjykata Kushtetuese pritet të vendosë më 22 janar lidhur me kërkesën e kryeministrit, e cila ka të bëjë me pezullimin nga detyra.
